Kelakuan Bang Toyib

Terdengar kabar yang diumumkan dari TOA mesjid kampung Belah Duren bahwa bang Toyib telah meninggal dunia. Maka ramailah para tetangga berdatangan untuk berta'dziah ke rumah bang Toyib.

Saat itu di rumah bang Toyib, tengah heboh. Para tetangga termasuk ustadz To'ing, imam mesjid kampung Belah Duren, berusaha menenangkan Mpok Mideh, istri bang Toyib yang tampak menangis histeris.


"Sabar, mpok... nyang sabar... kagak useh belebihan nangisin kepergiannye Bang Toyib. Pamali...!. Kagak bagus. Ntu bakal ngeberatin ame nyang bakal pergi. Udeeeh... rela'in aje... pan Allah SWT udeh berfirman dalem Al Qur'an...

kullu nafsin dzaa-iqotul maut

Artinye : Tiap-tiap nyang bernyawe pasti ngerasa'in mati ! ". (QS Ali Imran : 185).

"Ustadz jangan sale sangke... hiks... hiks... hiks...," kata mpok Mideh, istri bang Toyib sambil sesegukan. "Aye bukannye nangisin matinye laki aye. Aye nangisin kelakuannye !."

"Ustadz liat... noh... noh... 1,2,3,4... empat cewek-cewek bahenol nyang ikut-ikutan mewek deket jenazehnye laki aye...," lanjut mpok Mideh.

"Oohh... ntu... dari tadi ane juge pengen nanye... die-die orang, cewek-cewek bahenol ntu siape ?!," kata ustadz To'ing balik bertanya.

"Die-die orang juge ngakunye bini bang Toyib !. Pantesan aje bang Toyib lama nggak pulang-pulang. Taunye die nyebar bini dimane-mane !. Huuuwaaaaaaa....!!," jawab mpok Mideh kembali histeris.

"Astaghfirulloh hal 'adziieeem...!. Yiiib... Toyiib... kelakuaaan luuu...!!," kata ustadz To'ing prihatin sambil geleng-geleng kepala.