Hukum Mencium Istri di Bulan Puasa

Satu shubuh di acara kultum bulan Ramadhan di mesjid kampung Belah Duren yang dipandu oleh Ustadz Toing, dan ngebahas hal-hal yang membatalkan puasa mendekati akhirnya.

"Jadi itulah kultum kite pagi ini. Nah, Ibu-ibu... bapak-bapak... ade nyang mau nanye ?, sebelom kite tutup kultum pagi ne ame do'a ?."

"Pak ustadz... ane mau nanye !," tiba-tiba seorang jamah bapak-bapak unjuk jari.

" Ooo... bang juned, Silahkan, bang... mau nanye ape, bang ?," kata Ustadz Toing.

"Ustadz, kalo misalnye kite nyium bini kite siang-siang pas lagi puase, puasenye batal kagak, tadz...?."

"Kagak, bang... Kagak batal. Ini ade dasar hadistnye..."

Dari Abu Salamah ra bahwa Aisyah ra berkata : "Rasulullah SAW mencium sebagian istrinya dan dia sedang berpuasa dan aku juga berpuasa". Aku (Abu Salamah) bertanya kepada Aisyah : "Apakah pada puasa wajib atau sunah ?". Beliau menjawab : "Pada semuanya, baik puasa wajib dan sunah".(HR. Ibnu Hibban)

"Oooo... begono. Syukur, deh... pasalnye kemaren siang aye kagak sengaje nyium bini aye, tadz."

"Oooo, begitu. Tapiii... eh... tapi ngomong-ngomong, bang... bini ente nyang mane nyang ente cium siang-siang kemaren ?. Setahu kite-kite, jama'ah mesjid ni... pan bini abang lagi di Hongkong jadi TKW ?!."

"Hehehehe... bini siri, tadz... masak cuma A'a Gym ato Bibib Rijik ato Ustadz Al Habsy aje nyang boleh nambah bini ?. Masa' aye kagak boleh nambah, sih...?!, Kagak aci aaahhh..."