Kapan Kayenye ?

Dalam sebuah pengajian, seorang jama'ah yang bernama bang Naim mendadak curhat kepada ustadznya. Simak percakapan menarik diantara mereka,

Bang Naim : "Pak ustadz, ane mau curhat, neh... boleh, nggak ?!."


Ustadz : "Boleh-boleh aje, bang... silahkan..."

Bang Naim : "Begini, tadz... seumur-umur hidup ane keblangsak melulu, miskin melulu, kagak pernah ngerasain idup senengnye. Ane pengen tau kapan, yee.... ane bisa kaye ?."

Ustadz : "Ooo... soal ntu... ente kagak usah khawatir... pan ade hadits Nabinye,

"Akan datang suatu masa dimana seseorang berkeliling membawa sedekah emas namun tidak ada seorangpun yang mau menerimanya."
(HR. Muslim dari Abu Musa Al As Sya'ari)

Artinye di zaman ntu semue orang jadi orang kaye, kagak ade nyang miskin. Sampe-sampe ade orang nyang keliling-keliling bawe emas buat disedekahin, tapi kagak ade nyang mau nerime !."

Bang Naim : "Wahh... asik bener kalo gitu. Kire-kire kapan tuh... kejadiannye, tadz...?."

Ustadz : "Naaah... soal kapan kejadiannye itu yang ane kagak tau. Bise jaman ente masih idup, bise jadi jamannye anak, cucu, cicit, buyut ente !."

Bang Naim : "Yeeee... kalo musti nunggu ampe buyut ane, keburu ijo, doong, tadz...!. Ane perlunye sekarang... sekarang !. Nooh... dapur ane udeh tige hari kagak ngebul !."